Тим Мекгро: Семејството пред сѐ!
Американскиот кантри-пејач Тим Мекгро за списанието „Лео“ проговори за тоа како е да се биде славен и да се биде родител во истовреме. Музичарот (53) е веќе 25 години во брак со пејачката и продуцентка Фејт Хил и имаат три деца.
– Кога се венчавме, долго разговаравме за тоа како двајцата ќе го уредиме нашиот живот – како ќе се справиме со ова? И, решивме дека ќе ги ставиме на прво место нашето семејство и нашите деца, вели Мекгро.
Тој смета дека тоа ќе ги научи младите и тие да работат напорно и да бидат попрофесионални и поуспешни луѓе.
– Да ги научиме и нив да имаат врвна работна етика, но истовремено да бидат и успешни луѓе и родители, додава тој.
Според неговите кажувања, нивниот стил на родителство има многу врска со животот што Мекгро и Хил веќе го имаат како успешни уметници.
– Се трудиме да не бидеме никогаш предолго далеку од нив. Тие беа на патувањата со нас, летаа со нас. Ако требаше да одиме во Европа, тие одат со нас во Европа. Кога работиме, тие најчесто се со нас најмногу од времето, вели тој.
Но, тука е и потребата – еден дел од животот да се биде и дома заради интересот на децата.
– Способноста да се биде толку флексибилен со работата, исто така, е голем успех. Бевме во добра позиција, што можевме сами да одредиме кога ќе работиме. Но, таа одлука и плановите треба еднаш да се донесат, а ние го решивме тоа рано, вели Мекгро.
Ново на Сител
-
Трамп ја номинираше Тами Брус за заменик-претставник на САД во Обединетите нации
-
Ен-Би-Си: Белата куќа размислува да го повика Зеленски на Алјаска
-
Дваесет и четири години од загинувањето на бранителите кај месноста Љуботенски бачила
-
„Волстрит џурнал“: Украина и ЕУ предлагаат договор за прекин на огнот со Русија
-
Сончево и многу топло време со температура до 39 степени
-
Зголемена фреквенција на возила надвор од градските средини, на ГП Табановце за влез се чека околу еден час
-
Четворица астронаути се вратија на Земјата по пет месеци поминати на Меѓународната вселенска станица
-
На ГП Табановце за влез и излез од државата се чека околу 40 минути