Втора фаза од олабавувањето на мерките на Кипар
Со отворање на основните училишта, продавниците, трговските центри, моловите, обложувалниците, музеите и археолошките локалитети, црквите, кината и театрите, од утрово започна втората фаза на укинувањето на рестрикциите на Кипар, по карантинот од 10 јануари годинава, јави дописничката на МИА од Атина.
Во училишните клупи се враќаат учениците од основните училишта и матурантите, а останатите средношколци ќе продолжат со онлајн настава.
За собирите во домовите, од денеска е дозволена посета на најмногу четири лица, додека пак црквите ќе бидат отворени за литургии со присуство на најмногу 50 верници и со придржување кон здравствените протоколи.
Кината и театрите на затворено, ќе работат со најмногу 50 посетители, а од денеска дозволени се и тренинзи на отворено во групи од најмногу пет лица, односно четворица спортисти и еден тренер.
Паралелно и понатаму во сила е полицискиот час од 21 до 5 часот наутро и задолжителното испраќање смс пораки за движење на граѓаните.
Министерот за здравство на Кипар Константинос Јоану на неговиот официјален Твитер профил, утрово напиша дека земјата со доверба и претпазливост влегува во нова фаза од укинувањето на рестриктивните мерки и „немаме луксуз да се вратиме назад“.
Минатиот понеделник започна постепеното олабавување на мерките со отворање на берберниците, фризерските и козметичките салони и зголемување од 25 на 50 отсто на бројот на вработени со физичко присуство во приватниот сектор.
Од почетокот на епидемијата, на Кипар се регистрирани вкупно 31.759 случаи на Ковид-19, а починаа 212 лица.
Ново на Сител
-
Не се срамев од работа, успеав на село со свој бизнис | Сања Димковска | Sitel Podcast 041
-
Тројно убиство во Србија: 22 годишник со ловечка пушка ги убил татко му, дедото и бабата
-
МЗ: Владата усвои информација за состојбата во хируршките клиники, се укажува да се замени опремата на централната компресорска станица со нова
-
Во полициска акција во шест европски земји уапсени 17 членови на албанска нарко организација
-
Тешко повреден работник во фирма во Скопје
-
Финансиска и логистичка поддршка за македонскиот олимписки спорт од меѓународните олимписки организации
-
239 куршуми одземени од кичевчанец
-
Малолетно девојче нападнато и ограбено во Аеродром