Анкета: Милановиќ најпопуларен, Пленковиќ најнегативен политичар во Хрватска
– Хрватскиот претседател Зоран Милановиќ во моментов е најпопуларен политичар во земјата, додека 48 проценти од испитаниците имаат негативно мислење за премиерот Андреј Пленковиќ, покажуваат резултатите од најновата анкета на Кробарометар за расположението на гласачите во Хрватска.
За Милановиќ 49 проценти од испитаниците имаат позитивно мислење, а 43 од нив имаат негативно, додека за Пленковиќ со позитивно мислење се 44 отсто од гласачите.
Лидерот на СДП, Пеџа Грбин, исто така ги подели гласачите, 38 проценти имаат позитивно мислење и 36 проценти негативно.
Мирослав Шкоро има речиси 35 проценти од гласачите кои мислат позитивно за него, а 55 проценти кои мислат негативно.
Последниот на таа листа е Томислав Томашевич – 35 проценти мислат позитивно за него, а 23 проценти негативно.
На почетокот на 2021 година, граѓаните сметаат дека прашањето за невработеност со 24 проценти е најголем проблем. Следува економската состојба, што е втор најголем проблем за 19 проценти од граѓаните. Третиот проблем е корупцијата, за која 12 проценти од испитаниците сметаат дека е важна за решавање, потоа прашањето на коронавирусот со 11 проценти и на петтото место е животниот стандард и ниските плати, за кои шест проценти од испитаниците сметаат дека е голем проблем.
Анкетата е спроведена од агенцијата ИПСОС врз 987 граѓани со метод на лично интервју од 6. до 21 јануари.
Ново на Сител
-
Кумановка измамена за 6.000 денари за набавка на огревни дрва
-
Во центарот на Куманово откриен мурал со ликот на Бобан Трајковски кој беше убиен пред 23 години кај Вејце
-
Приложил патна исправа на негов другар, Албанец уапсен на Табановце
-
Краделе велосипеди во Аеродром, приведени двајца крадци од Србија
-
Бајден за Трамп: Се натпреварувам против „шестгодишно дете“
-
Избоден млад кавадарчанец
-
Оштетиле повеќе предмети и украле пари, уапсени двајца кавадарчани
-
СПМ: Срамни се обидите на СДСМ да ги убедат граѓаните дека грешеле во првиот круг