Кина истражи повеќе од 250.000 случаи на телефонски измами во 2020 година

Кинеските служби за јавна безбедност испитале и решиле вкупно 256.000 случаи на телефонски измами во 2020 година, соопшти Министерството за јавна безбедност. Речиси 253.000 осомничени се уапсени, со што на општеството му се заштедени 120 милијарди јуани во економски загуби (околу 18,4 милијарди долари), наведува Министерството.

Откриени се вкупно 140 милиони повици и 870 милиони пораки поврзани со измами, а блокирани се 316.000 интернет врски. Кинеската полиција истражи и други измами и злосторства поврзани со епидемијата на Ковид-19, во кои беа приведени 7.500 осомничени и решени 16.000 случаи, се додава во соопштението на Министерството за јавна безбедност.