Њујоршката полиција уби вооружен маж во инцидент за време на божиќен концерт

Полицијата уби маж кој пукаше од огнено оружје во близина на граѓани собрани на божиќен концерт на отворено пред црква во Њујорк.

Њујоршката полиција соопшти дека напаѓачот отворил оган пред црква во Харлем додека хор настапувал на скалите, пренесува Њујорк пост.

Тој пукал и кон полицијата, но никого не повредил.

– Тројца полицајци испукале кон вооружениот маж вкупно 15 куршуми. Бил ранет најмалку еднаш во главата и починал во болница од повредите, изјави началникот на Њујоршката полиција.

Пукањето се случи за време на закажаната бесплатна Божиќна претстава на скалите на историската црква, што ја одржа хорот.