Објавен повик за идејно решение за марина во Охрид
Министертвото за транспорт и врски денеска објави јавен повик за изработка на идејно решение за надградба на градското пристаниште и изградба на нова марина во општина Охрид.
Се предвидува идејното решение за марината да се изработи на локација пред Центарот за обука на вода на АРМ и езерската полиција во Охрид, од каналот Билјанини извори во правец кон Горица.
Повикот ќе трае до 29 јануари до кога може да се достави тендерската документација до Министерството за транспорт и врски.
Проектот со идејно решение треба да содржи изградба на понтонски мостови со можност на поврзување на марината и градското пристаниште. Исто така, во идејното решение треба да се обезбеди место за приврзување на минимум 300 пловни објекти (глисери, јахти, едрилици и чамци) и паркирање минимум 10 бродови.
Во марината потребно е да се обезбеди комплетна комунална и електрична инфраструктура, да се обезбеди со опрема за заштита и спасување на вода, како и противпожарни хидранти, да се постави комплетна пловидбена сигнализација, паркинг за возила и приколки од пловни објекти како и архитектурно решение за ресторан, сервис за пловила и продавница за наутичка опрема.
Тендерската документација може да се подигне од Министерството за транспорт и врски, а идејните решенија ќе можат да се доставуваат до 29 јануари следната година до Министертвото за транспорт и врски.
Јавниот повик е објавен на веб страната на Бирото за јавни набавки www.e-nabavki.gov.mk.
Популарно од Македонија
Ново на Сител
-
Бислимоски: Нема да дозволам да биде извалкано моето име, постапките за одземање лиценци се идентични за сите субјекти во енергетиката
-
Сиљановска‑Давкова очекува решение за проблемот со превозниците бидејќи засегнати се национални, регионални и за европски интереси
-
Реферирање за борбената готовност на Армијата пред претседателката и врховен командант на Вооружените сили
-
Сиљановска‑Давкова: Нашата Армија е компатибилна и почитувана дома и надвор
-
Андоновска: Две недели има намалување на бројот на заболени од грип, но се уште е многу рано да се каже дека е надминат пикот
-
Николоски: Најдобар начин да обесхрабриме бесправно градење е некој да заврши во затвор
-
Мицкоски: Сè уште стои понудата за зголемување на платите што ССМ ја одби
-
Николоски: Одлични вести од Брисел, македонските возачи признаени како професионалци во ЕУ
