Третина од Британците не сакаат да се вакцинираат против коронавирусот

Повеќе од една третина, или 35 проценти од Британците, веројатно нема да се вакцинираат против коронавирус, покажа најнова анкета.
Вкупно 48 проценти од Британците се загрижени дека вакцината не е безбедна, додека 47 проценти од нив се загрижени дека таа нема да биде ефикасна, покажува истражувањето спроведено од „Опиниум“ за весникот „Обсервер“.
Повеќе од половината или 55 проценти од испитаниците изјавиле дека се загрижени за несаканите ефекти од вакцинацијата, пренесе Анадолија.
Меѓутоа, само 20 проценти изјавиле дека нема да ја примат вакцината кога ќе стане достапна и доколку владата препорача вакцинација.
Тоа е помалку од пред две недели, кога на истото прашање позитивнио изјавија 24 проценти од анкетираните.
Дека ќе ја примат вакцината кога ќе стане достапна и доколку тоа владата го препорача изјавиле 68 проценти од испитаниците, што е само мало зголемување од 67-те проценти пред две недели.
Британското Министерство за здравство објави дека вакцината од утре ќе стане достапна за сите.
Првото количество од вакцината на „Фајзер“ и на „БиоНТек“ во земјата пристигна минатиот четврток, а следната недела во Велика Британија ќе бидат достапни околу 800.000 дози.
Владата нарача четириесет милиони дози од вакцината, што е доволно за дваесет милиони Британци, кои ќе добијат две дози во период од 21 ден.
Вакцината прво ќе им биде дадена на вработените и корисниците на домовите за стари лица, потоа постарите од осумдесет години, како и здравствените и социјалните работници.
Ново на Сител
-

Протести во Прага поради планираното укинување на претплатата за чешките јавни медиуми
-

Од специјализирана продавница за „Покемон“ украдени карти во вредност од над 130.000 евра
-

Трамп бара од Конгресот дополнителни средства за модернизација на американскиот систем за контрола на воздушниот сообраќај
-

Следува променливо облачно и потопло време, од среда повремено силен јужен ветер
-

Изминатото деноноќие 15 пријави за семејно насилство во државава
-

Акциски контроли на подрачјето на Центар во Скопје, констатирани повеќе прекршошци
-

Седум ПП возила и 19 пожарникари гаснеле запалена барака во Жданец
-

Николоски: Охридскиот аеродром годинава ќе достигне помеѓу 370.000 и 400.000 патници наспроти предвидените 130.000 до 2030 година
