Три пожари во гостиварско, гореа куќа, помошна просторија и шума
Изминатото деноноќие во гостиварскиот регион регистрирани се три пожари. Од непознати причини огнот причинил штети на една куќа во Гостивар, помошна просторија во селото Врбен и шума во атарот на селото Дебреше. Нема повредени лица во опожарувањата.
– Синоќа, нешто по 8 часот пријавен е пожар кој настанал во потпокривот од куќа на улица „Драге Тодоровски“ во Гостивар, сопственост на Н. С. (57) од Гостивар. Со интервенција на ТППЕ Гостивар пожарот е локализиран, а увид денеска извршила екипа од ОВР Гостивар. Во пожарот, причинета е само материјална штета. Доцна синоќа во СВР Тетово пријавен е шумски пожар во атарот на гостиварското село Дебреше на површина од над половина хектар., изјави за МИА Марјан Јосифоски, портпарол на СВР Тетово.
Попладнето е регистриран и пожар во помошен објект во гостиварското село Врбен, во кој живеел С. Ж. (84). Интервенцијата на мештаните и пожарникарите спречила проширување на плевната која се наоѓала до објектот
Чадот од местото на пожарот на Шар Планина и утрово се гледаше, а од СВР Тетово потврдуваат дека огнот не е изгаснат и дека се преземаат мерки за локализирање на пожарот. На шумскиот пожар реагираа и граѓаните преку социјалните мрежи предупредувајќи на проширување и поголеми штети во подножјето на Шар Планина.
Од СВР Тетово упатија апел за поголема внимателност при употребата на грејни тела и пред сé кога се пали оган. Неповолната хидролошка состојба, значително го зголемуваат ризикот од појава на пожари на отворено.
Ново на Сител
-
Изгласана Резолуцијата за Сребреница во ОН – 11 јули се прогласува за Меѓународен ден на сеќавање на геноцидот:
-
Тројца повредени во сообраќајка на крстосницата кај Башино Село на автопатот над Велес
-
Претседателката оствари телефонски разговор со Зеленски: Украинскиот народ може и во иднина да смета на македонското сојузништво
-
63-годишен маж демнеел женско лице од Дебар по што и го украл телефонот на работното место
-
Графитите избришани, сторителите непознати, насликана нова содржина на монументот на гостиварскиот кеј
-
Левица: Црква изградена во 1874 година настрада од минирањата на „Бехтел и Енка“
-
Потврден 30-дневниот притвор за врховнот судија Георгиев
-
110 пушки од Првата светска војна пронајдени при ископ во Старата касарна во Битола