Додик: Инцко е монструм, ги мрази Србите, сакаме да си замине

Претседателот на претседателството на БиХ, Милорад Додик, синоќа, на онлајн тркалезната маса на Советот за безбедност на ОН, остро го искритикува високиот претставник во БиХ, Валентин Инцко, нарекувајќи го монструм и странец кој соработува само со Бошњаците од Сараево и зборува во нивно име.
Додик тврди дека Србија, Хрватска и Република Српска сакаат високиот претставник да ја напушти БиХ, како и 50 проценти од лушето во Федерацијата БиХ, и го обвини Инцко дека ги мрази Србите и зборува во име на бошњачкиот народ, а не во име на Дејтонскиот договор, пренесе РТРС.
Додик истакна дека Дејтонскиот договор не се толкува, туку се спроведува, и рече дека Инцко нема право да го толкува и да спроведува одлуки засновани врз него и рече дека функцијата висок претставник не е формирана од ниту еден Совет за имплемнетирање на мирот, туку е воведена со Анексот 10. на договорот, пренесе Клик.ба.
-Запрете го овој монструм, кој се обидува да ни наметне одлуки што не се утврдени во Дејтонскиот договор, тој е странец кој ќе ја уништи БиХ. Тој им се одмаздува на Србите и Хрватите во БиХ. Инцко нема апсолутно никаква врска со државниот имот во БиХ и се обидува да ја запре изградбата на хидроцентрали и аеродроми, рече Додик.
Тој додаде дека доколку Инцко продолжи да ги спроведува одлуките, ќе размисли за „почнување на интеграцијата на Републкика Српска со матичната земја Србија“.
Тој се осврна и на претходните високи претставници во БиХ, за кои рече дека се странци кои се обидуваат да ги наметнат своите одлуки и да ја создадат БиХ.
-Високите претставници го сменија Дејтонскиот договор, менувајќи го духот на Дејтон. Педи Ешдаун ги прекрши сите можни договори и тој го призна тоа во својата книга. И сите тие промовираа таква политика, се до Инцко, рече Додик,, нарекувајќи го Ешдаун „пристрасен и криминален“.
Ново на Сител
-

Србинот Дејан Мијатовиќ нов тренер на МЗТ Скопје
-

Мицкоски од Берлин: Македонија активно учествува во разговорите за глобалната безбедност и предизвиците во светот
-

Сиљановска-Давкова ги прими акредитивите од новоименуваниот амбасадор на Кралството Саудиска Арабија Ибрахим Ал-Мади
-

Директорот на Мајкрософт: Вештачката интелегенција би можела да предизвика бројни проблеми
-

Ристески: Клучен приоритет на Владата е да ги задржи младите во државата
-

Николоски - Варнс: Потврдена посветеноста на стратешкото партнерство со САД и унапредувањето на билатералната соработка
-

Полицијата во Белгија со помош на „ГТА 6“ ги предупредува младите: Играта не е вистински живот
-

Мицкоски: Ја потврдивме поддршката за постигнување праведен и траен мир преку дијалог, дипломатија и координација
