Во Хрватска регистриран птичји грип

Присуството на птичји грип, поттип Х5Н8, е регистрирано на фарма за  мисирки во областа на округот Копривница-Крижевци.

Како што е најавено, понатамошните лабораториски анализи ќе утврдат во која група на патогеност спаѓа вирусот (висок или низок патоген вирус).

Пронајдениот вирус припаѓа на поттипот Х5Н8, за кој сè уште не е утврдено дека предизвикува инфекција кај луѓето, односно дека има зоонозен потенцијал.

Фармата е ставена под надзор на ветеринарната инспекција на Државниот инспекторат и во моментов се утврдуваат понатамошни мерки на самата фарма, како и во Хрватска.