Маж од Струга побарал од старец да му покаже како изгледаат евра па му ги украл

ОВР Струга поднесе кривична пријава против Ќ.А.(56) од струшкото село Лабуништа поради постоење основи на сомнение за сторено кривично дело „тешка кражба на дрзок начин“.

Тој, во текот на јули 2020 во Струга пресретнал 76 - годишен стружанец и му побарал, ако има, да му покаже како изгледаат евра.

Оштетениот извадил од џебот 8500 евра, кои претходно ги подигнал од банкарска сметка и му ги покажал, по што пријавениот насилно му ги одзел.