Од утре продолжен викенд без ДДВ, како ќе функционира?
Во следните три дена граѓаните ќе можат да купуваат ИТ опрема и домашни производи без ДДВ. Собранието ги изгласа измените во законот за поврат на данок. За време на викендот без ДДВ од УЈП посочија дека ќе бидат засилени контролите на пазарниот инспекторат, а до трговците апелираат да се почитуваат протоколите за заштита од корона.
Претходно на расправата во Собрание од опозицијата обвинија дека со викендот без ДДВ, нема да се добие ништо друго освен нов кластер, поради тоа што ќе се создадат големи гужви пред продавниците.
Сметаат дека успешноста на мерката ќе биде делумна затоа што дел од трговците веќе ги зголемија цените.
Со мерката викенд без ДДВ државата ќе го врати целиот данок за домашните производи и ИТ опремата кои граѓаните ќе ги купат во следните три дена. Сметката треба да изнесува до 30 илјади денари. За продолжениот викенд се очекува да потрошат 170 милиони евра, а по основ на поврат на ДДВ кај граѓаните да завршат 17 милиони евра.
-

Ирена Чачкова
Сите содржини од овој новинар
