-->
-->
КУД „Македонка“ од Торонто ќе гостува на фестивалот „Илинденски денови“ во Битола
-->

Културно уметничкото друштво „Македонка“ на Македонците иселеници кои живеат и работаат во Торонто, Канада, ќе учествува на годинешното 45-то издание на Републичкиот фестивал на народни песни и игри „Илинденски денови“ во Битола,
На денешната прес-конференција директорот на НУ Центар за култура, Борче Димитровски информира дека фестивалот годинава ќе почне на 28. јули со изложба на детски ликовни творби во рамки на државната изложба која 40 години се негува во овој град.
- На публиката ќе и се претстават квалитетни ансамбли кои доаѓаат од Италија, Полска, Романија, Хрватска и Србија, но со посебен интерес и љубопитност ги очекуваме нашите иселеници од Канада чие КУД „Македонка“ од Торонто втор пат ќе бидат наши фестивалски гости. Сакам да нагласам дека 1-ви август ќе заврши со спектакл, со концерт кој во Хераклеа ќе го приреди групата „Љубојна“ и кои ќе презентираат најнов музички материјал од своето ЦД во подготовка чиј издавач ќе биде нашата установа, односно Центарот за култура, истакна Димитровски.
Новото ЦД на групата „Љубојна“, насловено како „Шербет Љубојна“ се подготвува во соработка со Исмаил Лумановски, кларинетист од Битола со богата светска музичка кариера, посочи Оливер Јосифовски, водач на групата „Љубојна“.
- Новото ЦД претставува голем предизвик за нас бидејќи успеавме да го обезбедиме Исмаил Лумановски кој е насекаде низ светот и кој ќе свири со нас, со што не вклучува во редот на за него блиски соработници. Исмаил Лумановски од битолското музичко училиште сега е во Њујорк, настапувал со Џипси Кингс и со други светски имиња, а на 1-ви август ќе биде во Хераклеа. Музичкиот материјал овој пат ќе го посветиме на Тале Огненовски затоа што сакаме на наш начин да се оддолжиме за неговото мајсторство и дело во македонската музика, истакна Јосифовски.
Републичкиот фестивал на народни песни и игри „Илинденски денови“ се одржува под покровителство на Собранието на Република Македонија.
-->
-->
-->
Ново на Сител
-
Лице од демирхисарско ја запалило плевната на свој соселанец
-
Обвинителството поднесе жалба барајќи ефективен притвор за поранешните директори на Онкологија
-
Претреси во битолско, прилепско, крушевско и во Македонски Брод, пронајдени оружје и муниција
-
Семејствата на жртвите во дискотеката „Пулс” ќе бидат повикани да се приклучат кон кривичниот прогон
-
Кривични пријави против лица од Пробиштип и Свети Николе за кражби од цркви
-
Сиљановска-Давкова: Да го чуваме споменот за Св. Кирил и Методиј и да градиме општество на знаење и меѓусебно почитување
-
Најмногу дожд во изминатото деноноќие во Маврови Анови
-
Мицкоски: Кирил и Методиј ни го оставија најголемиот подарок - писмото, словото, гласот на нашиот идентитет