Настава со физичко присуство само во подрачните училишта во Делчево
Настава со физичко присуство на учениците во Делчево ќе се одвива само во подрачните училишта.
Како што информираа раководните лица од делчевските воспитно-образовни установи, на последната седница, Владата го усвоила извештајот за работата на Комисијата за разгледување на поднесените барања од страна на основачите на училиштата за организирање настава со физичко присуство, за период од 18 до 25 септември 2020 година, при што зелено светло за реализирање настава со физичко присуство во Делчево добиле сите подрачни училишта во состав на деветолетките „Ванчо Прке” и „Св.Климент Охридски”.
– Според извештајот, согласност за организирање настава со физичко присуство добија подрачните училишта на двете централни основни училишта во Делчево. Тоа значи дека настава со физичко присуство на учениците во деветолетката „Ванчо Прке” ќе се одвива во селата Габрово и Ѕвегор, додека во подрачноте училишта кои потпаѓаат под деветолетката „Св.Климент Охридски”, настава со физичко присуство ќе се организира со учениците од селата Разловци, Тработивиште, Град, Стамер и Вирче, информираа надлежните.
Наставата во централните основни училишта во Делчево и во гимназијата „М.М.Брицо“, како што додадоа, ќе се одвива онлајн.
– Од претходно е веќе познато дека најмладите ученици од прво до трето одделение наставата ќе ја следат со физичко присуство, додадоа надлежните.
Учебната година и за учениците кои ќе следат настава со физичко присуство и оние онлајн започнува на 1 октомври 2020 година.
Ново на Сител
-

Британската војска спроведува офанзивни кибер-операции против Русија, Кина, Иран и Северна Кореја
-

28-годишник од Чаир го запалил автомобилот на мајка си, се заканувал дека ќе го запали и станот
-

Спречен нелегален внес на 2,8 тони нејодирана сол која е забранета за увоз
-

Се сопнал од кофа и паднал во необезбедено лифтовско окно – две лица и две фирми обвинети за смртта на Кристијан Љушев во Охрид
-

Поголем К-15 за работниците годинава – минималниот износ достигна 19.415 денари, рокот истекува на 31 декември
-

Србија доби еден од најобразованите парламенти во светот – пратеничките клупи ги пополнија доктори на науки, лекари и професори
-

Малезија ќе пресели десет илјади бегалци Рохинџи во Турција
-

Герасимовски: Целосно реконструирано детското игралиште зад Универзална сала, поставени тобогани, реквизити и урбана опрема
