Стручна едукативна работилница во Заводот за кардивоскуларни заболувања во Охрид
„Заболувања на периферни артерии, предизвици и третман“ беше темата на едукативната рабптилница со меѓународно учество што синоќа се одржа во рамки на ЈЗУ „Завод за превенција и лекување на кардиоваскуларни заболувања Свети Стефан” од Охрид.
На работилницата учествуваа еминентни имиња од областа на интервентната кардиологија во земјата и регионот, кои вршеа демонстрации на интервенции врз пациенти, презентираа искуства стекнати во работата со пациенти во самиот Завод, но и во слични установи од Србија и Словенија.
Интервенциите во рамки на едукативната работилница беа изведувани на две локации во самата болница, а текот на интервенциите преку видео-врска можеше да се следат во конгреската сала на Заводот, овозможувајќи им на учесниците на работилницата да комуницираат меѓусебно, да поставуваат прашања или да даваат сугестии кон докторите во интервентната сала.
Две од интервенциите изведе лекарскиот тим Никола Бакрачески заедно со Ара Угуроглу, додека една интервенција спроведе доктор Дејан Манчески. Во рамки на панел-дискусиите на работилницата свои предавања одржаа докторите Ара Угруоглу, Славчо Тошев и Винко Боц, како и радиологот Ѕвонко Атанасов. Свои презентации за конкретни случаи од работното искуство покрај гостите имаа и докторите Дејан Манчески и Стојан Митрески од Заводот за кардиоваскуларни заболувања во Охрид.
Ново на Сител
-
Сиљановска Давкова ги прифати оставките на Комисијата за помилување
-
Бајден се надева дека последните израелски напади врз Иран ќе бидат „крај“ на директната размена на оган меѓу двете земји
-
Колективна оставка на Комисијата за помилување
-
Најмалку 81 лице го загуби животот во бурата „Трами“ на Филипините
-
Момче пријавило напад и повреда со остар предмет во Карпош, приведен малолетник
-
Пронајдена дрога во Битола, приведени две лица
-
Направени се вонредни инспекциски надзори на неколку универзитети
-
Приведен криумчар на мигранти во близина на селото Богородица