Продолжуваат антивладините протести во Бугарија
Околу 10.000 луѓе вчера се собраа во Софија на Денот на независноста барајќи „независност од мафијата“ и оставка на Владата која ја обвинуваат за поврзаност со олигарсите.
На антивладини протести во повеќе градови се собраа по неколку илјади луѓе, а во Велико Трново, во центарот на земјата, демонстрантите извикуваа „оставка“ за време на говорот на спикерката на Парламентот Цвета Карајанчева по повод националниот празник.
„Оставка“ и „мафија“ скандираа и демонстрантите во Софија, меѓу кои имаше многу млади луѓе.
Историската зграда на парламентот вчера ја чуваа три полициски кордони врз кои демонстрантите фрлаа петарди и шишиња.
Во Софија во последните два и пол месеци секојдневно се одржуваат протести против корупција и во нив учествуваат луѓе од различни сфери и политички определби, кои бараат „живот според европските стандарди“.
Најсиромашната земја во Европската унија, Бугарија, според индексот на корупција на невладината организација Транспаренси Интернешнл е и нејзина најкорумпирана членка.
На власт речиси една деценија е десноцентристичкиот премиер Бојко Борисов, чиј мандат истекува во март следната година. Тој одби да поднесе оставка со изговор дека е загрижен за стабилноста на земјата во контекст на здравствената криза предизвикана од пандемијата на коронавирусот.
Тој на својот профил на Фејсбук напиша дека „успехот доаѓа преку дијалог, а не се конфронтација“.
Бугарскиот претседател Румен Радев, близок до опозициските социјалисти, им го честиташе Денот на независноста за „разбудените граѓани кои укажуваат на моралното пропаѓање“.
Ново на Сител
-
Да не беше Киан ќе се изгубев себеси | Антониа Гиговска | ПРОфесија | Sitel Podcast 037
-
Грчките медиуми за изјавата на Мицкоски: Нова провокација од Северна Македонија
-
Зеленски: На Украина и се потребни системи „Патриот“ за заштитата на Харков
-
Коалицијата „Европски фронт“ поднесе седум тужби против решенија на ДИК на Парламентарните избори 2024
-
Град Скопје: Дезинсекцијата во Скопје се реализира согласно можноста и временските услови
-
Коалицијата „Вреди“ ја повлече тужбата по одлуката на ДИК за ИМ 0511
-
Две лица тешко ранети, а уште четири полесно во напад со нож во Швајцарија
-
Словачка не воведува вонредна состојба поради атентатот врз премиерот