Дополнет Конкурсот за стипендии за постдипломски студии во странство
Министерството за образование и наука објави дополнување на Конкурсот за доделување стипендии за втор циклус студии во странство, за академската 2020/2021 година. Во Конкурсот, кој МОН го објави во февруари годинава, се додава и образование меѓу областите за кои Министерството ќе додели стипендии за постдипломски студии.
За академската 2020/2021 година МОН ќе додели стипендии за студенти примени на академски студии од втор циклус на еден од првите десет рангирани универзитети од сите области, односно на еден од првите сто рангирани универзитети од областа на техничките науки, архитектурата, градежништвото, математиката, меѓународното право, економијата и финасиите, физиката, биологијата, хемијата и генетиката, а со дополнувањето на Конкурсот – и за областа образование, согласно со рангирањето на универзитетите на последната објавена Шангајска листа на Центарот за универзитети од светска класа.
Рокот за пријавување на кандидатите за користење на академските стипендии за студии од втор циклус во странство е најдоцна до 15 септември 2020.
Во Конкурсот се содржани информации за условите за доделување стипендија, потребните документи, износот на стипендијата, обврските на избраните кандидати и начинот и рокот на пријавување.
Ново на Сител
-
Израелската полиција изврши рација во Ал Џезира во Ерусалим, одзеде опрема
-
Костадиновска-Стојчевска: Македонскиот јазик е нашиот национален белег и најважниот симбол на културниот идентитет
-
Косовската полиција уапси 4-ца македонски државјани меѓу кои и кондовецот Агим Красниќи
-
Макрон го повика Нетанјаху успешно да ги заврши преговорите со Хамас
-
Димитровска: ДКСК оформи 45 предмети поврзани со изборите
-
14-годишна малолетничка од Петровец избегала од дома
-
Малолетник пријавен за насилство врз неговата мајка и брат
-
Бројот на загинати во поплавите во Кенија се искачи на 228