Важен играч на Милвоки заразен со коронавирус

Бекот на Милвоки Бакс, Ерик Бледсо е заразен со коронавирус и не е со тимот во Орландо, каде ќе продолжи сезоната во НБА, пренесува „ЕСПН“.

– Немам никакви симптоми. Се чувствувам добро. Штом можам да ги исполнам барањата на НБА протоколите, планирам да им се придружам на моите соиграчи во Орландо, изјави Бледсо.

Во својот прв натпревар од продолжувањето на кампањата, Милвоки ќе игра со Бостон на 31 јули.

Сезоната во НБА беше запрена во средината на март, околу пет недели пред крајот на регуларната сезона, откако играчите од неколку екипи се тестираа позитивно за КОВИД-19.