„Тиквеш“ и на „Tikveš Châteaux & Domainеs“ освоија 4 златни медали и 1 специјална награда на „Citadelles Du Vin“ 2020 во Франција
Вина на „Тиквеш“ и на „Tikveš Châteaux & Domainеs“ освоија пет високи признанија на престижниот вински натпревар „Citadelles Du Vin“ 2020, кој традиционално се одржува во близина на Бордо, Франција. Златни медали добија три вина од премиум бренд платформата „Tikveš Châteaux & Domainеs“ – „Domaine Lepovo Grand Cuvée“ 2016, како и „Vase de Pierre“ 2018 и „Terrasse à L’Ombre“ 2018 од француската винарница „Château de Gourdon“, што е дел од „Тиквеш“, а со златен медал се закити и „Vranec Special Selection“ од бербата 2017.
Дополнително, црвеното „Barovo“ од бербата 2017 ја освои специјалната награда „MACEDONIA SPECIAL PRIZE“.
Овој успех е постигнат во конкуренција на 719 вина од 29 земји од светот, меѓу кои и неколку од регионот. Освојувајќи ги петте највисоки одличја, Винарската визба „Тиквеш“ уште еднаш ја потврди позицијата најуспешна меѓу винарниците од регионот. Со ова „Тиквеш“ значајно го надогради успехот постигнат на минатогодишното издание на „Citadelles Du Vin“, кога освои три сребрени медали.
„Citadelles Du Vin“ е натпревар кој се одржува во еден од најзначајните и најпознати светски вински региони (Бордо) и има мисија да ги поддржи и промовира квалитетот и различноста на вината произведени ширум светот. Наградените вина дополнително добиваат и презентација на „Винекспо“ – Бордо и „Винекспо“ – Хонг Конг, со што остваруваат промоција пред француските и интернационалните потрошувачи и љубители на виното.
Вината на „Тиквеш“ веќе со години се најтрофејни во Југоисточна Европа, а само од почетокот на оваа година освоија речиси 20 медали и тоа на престижни натпревари одржани во Кина, Франција и во Германија.
Ново на Сител
-
Дачиќ: Човечки фактор е причина за сударот на возовите, најважно е дека нема загинати
-
Нетанјаху: Ќе ги донесеме сите заложници дома, живи или мртви
-
Девет повредени при судар на патнички и товарен воз во тунелот Вуков споменик-Панчевачки мост
-
Претседателот на Управен демантира дека врши притисок врз судиите кои одлучуваат за тужбите на Европскиот фронт
-
Израел ги негира обвинувањата за геноцид во Газа и вели дека прави се што може за да ги заштити цивилите
-
Одбиена тужбата на „Европски фронт“ за избирачкото место 1202 во Крушево, Управен треба да одлучи уште по 4 од 7 тужби
-
Управен суд ја одби тужбата на „Европски фронт“ за избирачкото место 1470 во Долнени
-
Европски фронт обвинува за јавен политички притисок врз Управниот суд