Раде Силјан добитник на меѓународната награда „Арка“

Меѓународната награда „Арка”, која истоимената издавачка куќа од Смедерево ја доделува за најдобра книга од странски и најдобра книга од домашен автор објавена на српски јазик во текот на годината, годинава им припадна на македонскиот поет Раде Силјан и на доајенот на современата српска поезија и врвен српски интелектуалец Лаза Лазиќ.
Силјан е награден за избраните и нови песни објавени на македонски и српски јазик „Огледало векова”/„Огледало на вековите” (избор и превод Ристо Василевски), а Лазиќ за спевот „Клинесто писмо”.
Одлуката едногласно ја донело меѓународно жири под претседателство на Санде Стојчевски, поет, критичар и есеист од Македонија, и членовите: акад. Елка Њаголова, претседателка на Словенската академија на литератури и уметности (Варна, Бугарија), акад. др Миќо Цвиетиќ и акад. Душан Стојковиќ (Србија) и акад. Ристо Василевски, директор на издавачката куќа „Арка”.
Ова меѓународно признание се доделува од 2003 година и досега го добиле: Миодраг Павловиќ, Љубомир Левчев, Томаж Шаламун, Георге Шварц, Еуген Урикару, Николај Петев, Стефани Сенар, Јован Зивлак, Ранко Рисоевиќ, Радомир Андриќ, Адам Пуслојиќ, Стеван Тонтиќ, Душко Новаковиќ... Меѓу македонските поети и писатели, лауреати се академиците Гане Тодоровски, Петре М. Андреевски и Влада Урошевиќ, поетот Санџде Стојчевски и драмскиот писател и романсиер Јордан Плевнеш.
Наградите на добитниците ќе им бидат врачени на свеченост на 16 декември во Здружението на писатели на Србија (УКС), кога ќе бидат промовирани и нивните книги. За нив ќе зборуваат членовите на жирито, академиците Душан Стојковиќ и Миќо Цвиетиќ, а наградите на годнашните добитници ќе им ги врачи акад. Ристо Василевски, директор „Арка”.
Ново на Сител
-

Реакција на ВМРО ДПМНЕ
-

Седум лица се приведени поради нарушување на јавниот ред и мир по завршувањето на фудбалскиот натпревар меѓу ФК Вардар и ФК Шкупи
-

Верстапен победник на трката за Големата награда на Катар
-

Српската рафинерија НИС нема да работи од вторник, нагласува Вучиќ
-

Зеленски разговарал со Руте: Ова се важни денови за Украина
-

Американски и украински претставници разговараат за мировниот план за завршување на војната во Украина
-

Нетанјаху побара помилување од претседателот Херцог во судењето за корупција
-

Бројот на жртви во големиот пожар во станбениот комплекс во Хонг Конг се зголеми на 146
