Светска банка одобри заем од 500 милиони евра за Хрватска
Одборот на извршни директори на Светска банка одобри два проекта во вредност од 500 милиони американски долари за Хрватска за итна поддршка во ублажување на ефектите од пандемијата на коронавирусот и земјотресот во Загреб.
Како што прецизира Канцеларијата на Светска банка во Загреб, ефектите од пандемијата врз здравјето и економијата во Хрватска, како и во светот, се без преседан, а голема штета е предизвикана и од земјотресот што го погоди Загреб на 22 март, најсилен во последните 140 години во таа област.
Во соопштението се наведува дека со заемот за финансирање на развојната политика како одговор на кризата и поддршка за закрепнување, вреден 300 милиони американски долари, Светската банка го поддржува владиниот пакет економски мерки, со цел да ги ублажи економските и социјалните ефекти на пандемијата.
„Исто така заемот е насочен и кон решавање долгорочни институционални недостатоци во Хрватска и ги поставува темелите за одржливо закрепнување“, се додава во соопштението.
Проектот за реконструкција по земјотресот и јакнење на јавното здравство, вреден 200 милиони американски долари, е првиот голем заем за обнова на Загреб по земјотресот во март.
Ново на Сител
-
Турција ја одобри екстрадицијата на Љупчо Палевски-Палчо
-
Мицкоски: Очекувам ДУИ да оди во опозиција, немаме ни елементарна доверба за соработка со нив
-
Ново бебе алпака во скопската Зоолошка градина
-
Вучиќ: Една третина од новата српска влада ќе биде составена од нови луѓе
-
Осигурителните компании не ја почитуваат препораката на Финансии, полисите и денеска по повисоки цени
-
Следува период на променливо време со повремени локални врнежи од дожд
-
РКЕ: Само 2,75 отсто од струјата е од увоз, на праг сме до енергетски независна држава
-
Мајката на починатата студентка од Кавадарци во Штип лани измасакрирала и запалила човек