Поразителна Ковид-19 статистика за Македонија
Македонија и натаму е на врвот според бројот на нови дијагностицирани случаи позитивни на Ковид-19. Во претходното деноноќие земјава регистрираше 76 нови случаи што е далеку најмногу во регионот. Србија дијагностицирала 24 нови случаи, Албанија 21, додека соседите на исток и југ, Бугарија и Грција по 19. Босна и Херцеговина има 11 нови случаи а две позитивни лица ја дополнуваат статистиката во Црна Гора. Хрватска нема нови случаи вчера исто како и Црна Гора која веќе се води како надвор од пандемијата.
И додека во бројот на нови случаи го држиме врвот, кога станува збор за помошта која Македонската влада ја одвојува за помош на економијата, земјава се наоѓа на дното во Македонија. Според истражувањето на Универзитетот Колумбија во Њујорк земјава за помош на економијата одвоила само 1,2% од бруто домашниот производ. Најмногу за помош на економијата во регионот одвоила Словенија, 19,7% од БДП, по што следи Хрватска со 9,3%, Србија со 6,5, Босна и Херцеговина 3,6%, Албанија со 2,8, Косово со 2,5% и Црна Гора со 1,7% од БДП.
Во светски рамки на прво место е Јапонија која за помош на економијата погодена од ковид19 одвоила над една петтина од БДП или поточно 21,1%.
Во апсолутни бројки на врвот се САД со издвоени 2700 милијарди долари што е 13% од БДП.
Ново на Сител
-

Девојка со скалпел се обидела да ограби 18-годишник во Скопје
-

Гостиварец се обидел да нападне човек со моторна пила, па бил нападнат со дрвен предмет
-

Тригодишно дете од Гевгелија починало на пат кон болница
-

Тошковски: Придобивките од „One Stop“ веќе се видливи, на Табановце се чека околу 30 минути
-

Поранешниот потпретседател за респираторни истражувања во Фајзер: Ковид вакцините се токсични
-

Мицкоски: Коридорот 8 ќе биде завршен до 2029 година, автопатот Кичево–Охрид до втора половина на 2027
-

УХМР: Дожд во вечерните часови и во текот на утрешниот ден, следува заладување
-

Специјалците спасија тешко повреден алпинист кај Демир Капија
