Кина демантира дека не го информирала навремено СЗО за Ковид-19

Портпаролот на кинеското Министерство за надворешни работи, Џао Лиџијан ги отфрли наводите на американската агенција АП дека Кина ненавремено ја информирала Свестката здравствена организација за новиот коронавирус.

Тој нагласи дека извештајот на новинската агенција не е вистинит.

Претходно, АП објави дека снимки од состанок на СЗО, во кои агенцијата имала увид, наводно покажале дека таа организација многу тешко добивала потребни информации од Кина на почетокот на пандемијата на новиот коронавирус, што е спротивно со првичните пофалби кои СЗО ги упатуваше за Пекинг. Снимките биле од видео-средба одржана на 6 јануари, на која официјални претставници се жалат дека Пекинг не споделува со светот потребни податоци за проценување на опасноста од вирусот.