Оливер Спасовски по втор пат ќе сведочи за „27 април”
Техничкиот премиер Оливер Спасовски денеска треба да сведочи во новото рочиште за предметот „организатори на 27 април’’, каде обвинети се поранешниот претседател на Собранието Трајко Вељаноски, ексминистрите за транспорт и врски и за образование, Миле Јанакиески и Спиро Ристовски, како и поранешниот директор на УБК Владимир Атанасовски.
За овој настан, но во друг кривичен предмет за „27 април“, Спасовски сведочеше и во 2018 година кога ја вршеше функцијата министер за внатрешни работи. Тој тогаш пред Кривичниот суд во Скопје, изјави дека по влегување на толпата во Собранието, се чуствувал беспомошен, исплашен за сопствениот живот, разочаран и згрозен од постапките на некои со кои секојдневно се гледале и соработувале.
Освен Спасовски, како сведок на Обвинителството на денешното рочиште за „организаторите на 27 април” е најавен и Антонио Кочков, учесник во протестите на „За заедничка Македонија”. Исто така и овој сведок претходно има сведочено за насилставата во Собранието на 27 април, но во предметот каде оштетен беше претседателот на Алијанса за Албанците, Зијадин Села.
Минатото рочиште за овој предмет свои искази пред Судот дадоа сведоците Михаил Младеновски (обвинета, а потоа амнестиран за „27 април“) и Сашко Коцевкси, референт за системот и гласање во Собранието.
Ново на Сител
-
30 годишник проголтал хероин додека полиција вршела претрес во неговиот дом во Кавадарци
-
Студенти на УКИМ го претставија првиот болид на натпревар во Хрватска
-
Николовски - Станков: Унапредување на соработката на Царинска управа и Државниот завод за статистика
-
Велика Британија испраќа 650 проектили за Украина за заштита од руски напади
-
Вучиќ: Oдлука за поканата на Путин ќе ја донесам на 10 или 15 октомври
-
ВМРО-ДПМНЕ: Филипче криел фирма во Бугарија
-
Пад на извозот, зголемен увозот - трговскиот дефицит до јули 1,92 милијарди евра
-
Вработени во земјава се 691 736, а невработени 98 416 лица