Три музички изведби во рамки на „Култура во време на корона“
Програмата „Култура во време на корона“ за скопјани денеска ќе понуди два концерта, диџеј настап и панел дискусија.
Како што информираат од Град Скопје, во 19 часот на платото пред Универзална сала концерт ќе одржи групата „Antiart“, а во 20:30 часто на истата локација концерт ќе одржи групата „Bandoff“. Во 22 часот во Универзална сала настап ќе има DJ B!ZAARE, a во 17 часот во Универзална сала ќе се одржи панел дискусијата „Светлосна уметност во карантин.“
Концертите ќе бидат стримувани на: фејсбук страницата на Град Скопје, https://www.facebook.com/CityofSkopje/?ref=br_rs, и на – Youtube каналот на Град Скопје https://www.youtube.com/channel/UChnvnL2Inms7iLk6uzQFyTw.
Град Скопје, заедно со градските културни институции, на 13 април 2020 година, објави Јавен повик за финансирање проекти како дел од кризните мерки „Култура во време на корона“. Идејата на повикот е пред сè да се поддржат невработените уметници, односно оние уметници кои ги загубиле своите редовни приходи во овој период, но и да се доближи културата до сечиј дом.
Со овој повик, како што стои во соопштението, се поддржуваат маалски изведби во времетраење до два часа и виртуелни изложби, претстави, перформанси, концерти, работилници за деца…, во времетраење до два часа. Сите учесници ќе добиваат еднаков солидарен хонорар во нето износ од 14.500 денари, а повикот ќе трае до завршувањето на вонредната ситуација.
Ново на Сител
-
Обид за убиство во Аеродром: Избоден скопјанец, еден од сторителите во бегство
-
Се скарале па го турнал по скали
-
Маж пронајден починат на паркинг во Центар, телото предадено на обдукција
-
Почина работник откако врз него паднал бетонски столб
-
Со скалпел го исекол на вратот и увото, обид за убиство на малолетник во тетовско
-
Вучевиќ: Во септември 2025 година првата класа на Војската на Србија од редовниот регрутен состав
-
Телото на Хасан Насрала е пронајдено, соопштија лекар и припадник на безбедносните сили
-
Во Кичево приведен бегалец од затвор, спроведен е за доиздржување на казната