СДСМ: Навивачките групи се искористени, бараме казни за масовно групирање

Владеачката партија СДСМ обвинува дека навивачките групи „Комити“ и „Војводи“ биле искористени од ВМРО-ДПМНЕ за пласирање на партиска агенда и ширење поделби на денот на кој се обележува смртта на македонскиот великан Гоце Делчев. Од партијата реагираат на тоа што присутните членови на овие навивачки групи скандирајќи „Никогаш Северна, само Македонија“ го спречија давањето изјава на Вицепремиерката и Минстерка за одбрана, Радмила Шекеринска.

Дополнително од партијата бараат и сите присутни да бидат санкционирани затоа што не ги почитувале мерките за борба против коронавирусот со кое е забрането групирање во масовни групи.