Во Црна Гора нема новозаразени со Ковид-19

Според пресекот на епидемиолошката состојба, утрово во Црна Гора нема нови случаи на заболени од новиот коронавирус. Во изминатите 24 часа анализирани се 97 примероци, соопшти од Институтот за јавно здравје во Подгорица.

Заменик-директор на Институтот за јавно здравје Сенад Бегиќ истакна дека Црна Гора го избегнала најлошото сценарио, со тоа што на време ги спровела заштитините мерки.

Бегиќ додаде дека се уште е рано да се говори за тоа дали може да се очекува втор бран на Ковид-19, особено во очекување да се најде вакцина.

– Природата на овој вирус досега толку пати не изненади и негираше голем дел од тоа што мислевме дека го знаеме, така да би било крајно несериозно да прогнозираме. Постојат неколку можни сценарија и модели, со своите предности и недостатоци, истакна Бегиќ.

Тој додаде дека нема ништо лошо во тоа, физичката дистанцата и хигиената да станат дел од секојдневието.

Во Црна Гора вкупниот број на заразени лица останува 321.