Стоилковски: Дескоска да даде пример сите министри и функционери целосно да се откажат од платата
Цела недела измина, а нема ниту збор од министрите и функционерите на Зоран Заев за предлогот тие целосно да се откажат од платите во овие тешки месеци и да одработат бесплатно за државата и за граѓаните!
Нема ниту збор од Оливер Спасовски за откажување од неговите 88.000 денари плата, ниту Шекеринска нема никаков збор за откажување од нето-платата од над 80.000 денари, Мила Царовска за нето плата над 73.000 денари, нема ниту збор од Рената Тренеска Дескоска дека се откажула од платата од над 73.000 денари и дека би работела про боно, Никола Димитров не кажува дали воопшто ќе поработи без платата од над 72.000 денари, или Дамјан Манчевски од над 70.000 денари плата и така натаму. Сите 26 министри молчат дали би се откажале од платите од 70 до 90 илјади денари!
Нема ниту збор од државните функционери на СДСМ како Николче Тасевски, зетот на Рената Тренеска Дескоска дека целосно ќе се откаже од својот месечна плата од 188.000 денари, или три илјади евра, и ќе поработи про боно во овие тешки моменти. Нема ниту збор од функционери на СДСМ дека се откажуваат од платите и хонорарите во име на справувањето со кризата, со пандемијата и економската криза која што ја донесе.
Дополнително, нема ниту збор дека министрите и функционерите се откажуваат целосно од привилегиите кои што одат со функцијата, како што се службени возила, телефони и репрезентации кои што ги прават и ги плаќаат со народни пари.
Доколку министрите, заменик министри, директорите и членовите на управните и надзорните одбори работат без пари, и се откажат од своите плати, про боно, со тоа ќе се заштедат најмалку два ипол милиони евра месечно. Тоа вкупно би заштедело над пет милиони евра во државната каса за два месеци.
Наместо демагогии, лицемерство и празни прес конференции, СДСМ и нејзините функционери нека започнат со личен пример, за почеток Дескоска, Спасовски, Шекеринска, Димитров нека се огласат дека се откажуваат од примањата и репрезентациите, а потоа нивниот пример нека го следат и другите заменик министри, директори и членови на управните и надзорните одбори од редовите на СДСМ кои што земаат пари од народниот буџет.
Ново на Сител
-
Да не беше Киан ќе се изгубев себеси | Антониа Гиговска | ПРОфесија | Sitel Podcast 037
-
Грчките медиуми за изјавата на Мицкоски: Нова провокација од Северна Македонија
-
Зеленски: На Украина и се потребни системи „Патриот“ за заштитата на Харков
-
Коалицијата „Европски фронт“ поднесе седум тужби против решенија на ДИК на Парламентарните избори 2024
-
Град Скопје: Дезинсекцијата во Скопје се реализира согласно можноста и временските услови
-
Коалицијата „Вреди“ ја повлече тужбата по одлуката на ДИК за ИМ 0511
-
Две лица тешко ранети, а уште четири полесно во напад со нож во Швајцарија
-
Словачка не воведува вонредна состојба поради атентатот врз премиерот