Профитот на саудиската нафтена компанија „Сауди Арамко“ опаднат за 20 отсто
Саудискиот нафтен гигант „Сауди Арамко“ соопшти дека профитот во 2019 година му е опаднат за 20 отсто, на 88, 2 милијарди долари.
Компанијата не одговорила на плановите на Саудиска Арабија да го зголеми производството на рекордно ниво по состанокот што беше оддржан претходно овој месец меѓу ОПЕК и Русија, кога не се постигна договор околу намалувањето на производството, пренесуваат американските медиуми.
Тоа доведе до пад на цената на сировата нафта за 25 отсто, што е најголем пад од војната во Заливот во 1991 година.
Меѓународната рефернетна марка нафта „Брент“ вчера се тргуваше за малку над 33 долари за барел, а аналитичарите се загрижени дека цената може дополнително да се намали.
Иако сето ова бензините ги прави поевтини за потрошувачите и авиокомпаниите, тоа сепак влијае и врз американските нафтени компании и остантите кои се борат со понискиот економски раст заради пандемијата од коронавирусот.
За своите резултати „Сауди Арамко“ ја обвини пониската цена на сировата нафта и падот на маржите за продажба на хемиските производи заради намалувањето на профитот.
Компанијата го наведе и хаосот што беше предизвикан од септемврискиот вооружен напад врз нејзините постројки, што привремено го преполови производството во Суадиска Арабија.
Саудиска Арабија и Западот за нападот го обвинуваат Иран, што Техеран го негира.
„Сауди Армако“ наведе дека во 2019 година имал профит од 88,2 милијарди долари, што е помалку отколку во 2018 година, кога тој изнесувал 111,1 милијарди долари.
Ново на Сител
-
На преговорите во Каиро поканета и израелска делегација
-
Недовршен портрет од Густав Климт, продаден за 30 милиони евра
-
ПМФЛ: Неочекуван пораз на Струга
-
Манчестер јунајтед подготвен да потроши 80 милиони евра за Араухо
-
Партиите бараат од граѓаните масовно да излезат на гласање на 8 мај, ВМРО-ДПМНЕ се изјасни дека би формирала влада со Вреди
-
Комисијата за осигурување од автомобилска одговорност ќе одлучува за поскапувањето на полисата
-
Учениците на пролетен распуст, наставата ќе продолжи на 7 мај
-
Блинкен во посета на Саудиска Арабија, Јордан и Израел