Угостителските услуги поскапи за 0,2 отсто

Цените на угостителските услуги во февруари 2020 година, во однос на претходниот месец бележат раст од 0,2 отсто, објави Државниот завод за статистика.

Споредено по групи на услуги, зголемување е забележано во групите храна за 0,4 отсто, алкохолни пијалаци за 0,7 отсто и безалкохолни пијалаци за 0,3 отсто, додека во групата ноќевања е забележано намалување за 0,4 отсто.

Индексот на цените на угостителските услуги во февруари 2020 година, во однос на истиот месец од претходната година, е зголемен за 0,1 отсто.

Кумулативниот индекс на цените на угостителските услуги за периодот јануари − февруари 2020 година, во однос на истиот период од минатата година, остана на исто ниво, додека во однос на декември 2019 година е зголемен за 0,1 отсто.