Во Австрија починала Италијанка - сомнеж дека се работи за корона вирус
Синоќа во комплекс апартмани во местото Бад Клајнкирхајм во Австрија, починала 56 годишна Италијанка, за која докторите се сомневаа дека е заразена со новиот коронавирус.
Како што јави дописникот на МИА, докторите од итната медицинска помош веќе земале крв од починатата за анализа, по што ќе може со сигурност да се каже дали била заразена или не.
Комплексот апартмани каде што била Италијанката веднаш е затворен, а на луѓето кои се внатре им е забранет излез се додека не поминат соодветен лекарски преглед.
Според информациите во австриските медиуми, Италијанката изминатите денови имала симптоми на настинка, а во Австрија дошла од Удине.
Австриските власти соопштија и дека се пронајдени сите лица со кој контактирал првиот заразен човек во Инсбург. Бидејќи партнерката на еден од заразените работела на рецепција во хотелот „Европа” во центарот на градот, наредено е привремено затворање на објектот и тестирање на сите вработени.
Австриските медиуми пишуваат дека интересно е што токму во тој хотел пред само една недела престојувале австрискиот канцелар Себастијан Курц и министерката за правда Маргарете Шрамбек. Сепак, за време на нивниот престој рецепционерката не била на работа бидејќи била во Италија.
Ново на Сител
-
Во пет од десет скопски општини ВМРО-ДПМНЕ и Коалицијата ќе имаат мнозинство во советот
-
Кривични за две лица од Крива Паланка, се заканувале на вработени во АХВ
-
Паднаа серверите на компаниите, апликациите и социјалните мрежи кои соработуваат со „Амазон“
-
Кикбоксерите од Балканското куп првенство во Белград донесоа 42 медали
-
Шпанија ќе ѝ предложи на Европската Унија трајно да го укине поместувањето на часовникот
-
ВМРО-ДПМНЕ за советнички листи освои околу 301.000 гласа, СДСМ 125.000, НАИ 114.000, ВРЕДИ 91.000, ЛЕВИЦА 57.000 и ЗНАМ 38.000
-
Димитриевски и независниот Стојковски во втор круг за градоначалник во Куманово
-
Зеленски: Будимпешта не е добра за Украина, Путин е сличен на Хамас