Прилепчанец и двајца гостиварци украле и препродале возило “бмв”

Вчера, околу 12 часот и 30 минути, полициски службеници на СВР Тетово-Одделение за внатрешни работи Гостивар, во Гостивар ги лишиле од слобода гостиварците В.Ф.(25), О.Џ.(27) и Д.З.(39) од Прилеп, поради сомнение дека учествувале во одземање и продажба на патничко моторно возило „бмв“ со скопски регистарски ознаки, кое минатата година било оставено за поправка на паркинг во Гостивар, а чие одземање на 01.02.2020 година го пријавил Б.М.(33) од Гостивар, соопштува полицијата.

Возилото е пронајдено и денеска ќе му биде вратено на пријавителот.

По целосното документирање на случајот против В.Ф. ќе следува соодветен поднесок.