ОН работи на прекин на огнот во Сирија

Генералниот секретар на ОН Бан Ки-мун изјави дека организацијата работи на почнување преговори меѓу завојуваните страни во Сирија за прифаќање прекин на огнот во целата држава во јануари.

Бан изјави дека двата круга од преговорите во Виена создале инерција и сега е важно врзо да се продолжи напред за да се стави крај на петгодишниот конфликт.

Мировниот план изгласан минатиот месец од 17 држави постави краен рок – 1 јануари за почеток на преговори меѓу Владата на претседателот Башар Асад и опозициски групи. Бан додаде дека очекува третиот круг да се одржи во Њујорк, но не посочи датум.