Стаменковска-Стојковски: Во Општина Ресен е спроведена незаконска постапка за вработување
Дополнителната заменичка министерка во Министерството за информатичко општество и администрација Невенка Стаменковска-Стојковски денеска најави дека ќе достави претставка до Државниот управен инспекторат за испитување и поништување на, според неа, незаконска постапка за вработување во Општина Ресен.
Таа тврди дека на 10 октомври минатата година градоначалникот на Ресен распишал оглас за вработување на работници на неопределено време и покрај тоа што добил известување од Министерството за информатичко општество и администрација дека согласно годишниот план за вработување и согласно законот за основа на тие вработувања, е невалиден.
– Сепак ова не било доволно градоначалникот да ја запре постапката на овој невалиден оглас, со што очигледно потребата да ги задоволат нарачките за вработување биле поважни од тоа да се почитува законот, нагласи Стаменковска-Стојковски.
– Со ова сакам да ја известам јавноста дека денеска лично ќе доставам претставка до Државниот управен инспекторат, како орган кој што е надлежен за надзор за спроведување на законот за вработените во јавниот сектор, да ја испита и да ја поништи незаконската постапка за вработување во ова институција од јавниот сектор, информира дополнителната заменичка министерка во Министерството за информатичко општество и администрација.
Ново на Сител
-
Fast Food 7 - принцип за постојан квалитет | Билјана З. Попова | Бизнис приказни | Sitel Podcast 030
-
Пронајдена неексплодирана експлозивна направа во Битола
-
Разбојникот кој ограби казино со автоматско пушка е полицаец
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп