Хорор сообраќајка на излез од Тетово, возач тешко повреден и пренесен во Скопје

Педесет и четиригодишниот Ж.З. од тетовска Брвеница е тешко повреден во сообраќајна несреќа што се случи синоќа на излезот од Тетово кон Скопје, откако изгубил контрола врз возилото што го управувал и удрил во метална ограда.

Тој се движел по булеварот Маршал Тито, а несреќата се случила кај подвозник каде има излез од делницата.

– Ж.З од Брвеница управувајќи автомобил Бе-Ем-Ве загубил контрола и удрил во метална ограда која го дели булеварот „Маршал Тито“. Поради тешките повреди кои ги здобил како итен случај веднаш е однесен на скопските клиники, информира Марјан Јосифоски, портпарол на СВР Тетово.

Увид на местото на несреќата извршија претставници на Обвинителството.

Инаку, во понеделникот на булеварот „Маршал Тито“, тешко беше повреден 57-годишен пешак од Тетово. Тој бил удрен од возило „Ланчија“, управувано од 33-годишник од Глоѓи.