Тачи и Курти на 15-минутен состанок „без правни ефекти“
Состанокот на претседателот на Косово Хашим Тачи со лидерот на Дvижењето Самоопределување (ВВ) Албин Курти, на кој се очекуваше Курти да го добие мандатот за формирање на новата влада на Косово откако неговата партија победи на октомвриските парламентарни избори, заврши по помалку од 15 минути, без конкретен резултат, јави дописникот на МИА од Приштина.
Курти по состанокот во кабинетот на Тачи изјави за медиумите дека имале „кратка консултативна средба без правни ефекти“.
– Ова беше кратка консултативна средба без правни ефекти во врска со наредната фаза на формирањето на институциите. Претседателот побара ние да изнесеме предлог и за ова негово барање јас ќе го известам Претседателството на ВВ, изјави Курти.
Тој порача дека ќе се сретне со Демократскиот сојуз на Косово (ЛДК), како единствен можен партнер за формирање на новата влада, кога и да се согласи таа партија.
Курти изјави дека во моментов ја искулучува опцијата на нови парламентарни избори и дека негова примарна цел е да го направи Косово со нова Влада. Сепак, порача тој, „ВВ е во секое време подготвено да влезе во нов изборен натпревар“.
Ново на Сител
-
Работниците ширум Европа и Азија бараат поголеми работнички права на првомајските демонстрации
-
Почнува уписот на првачиња за учебната 2024/2025 година
-
Максим дебитираше во ВАКО-ПРО со победа
-
Извонредна организација на АФН-9 ВАКО-ПРО кик бокс настанот во Скопје
-
ДС: Само силен синдикат е гарант за работничките права
-
Притвор од 30 дена за жител на Сопиште, пронајдена дрога во неговиот дом
-
Ковачевски: Нека ни е честит 1 Мај, СДСМ секогаш била на страната на работниците
-
Мицкоски: Работничките права се прекршени, државата не води грижа за тие кои се р`бетот на економијата