Во ноември значително намален мигрантскиот прилив во Европа

Во текот на минатиот месец во Европа по морски пат пристигнале околу 140.000 бегалци и имигранти, што е значително помалку во споредба со октомври годинава, соопшти денеска Високиот комесаријат на ОН за бегалци (УНХЦР). 

- Податоците за ноември се први оваа година кои покажуваат дека бројот на бегалци и имигранти е намален во однос на состојбата забележана во претходните месеци, изјави Вилијам Спиндлер од УНХЦР.

Според него, причина за намалениот број лица кои доаѓаат во Европа е резултат на влошените климатски услови во Егејското Море, но и на мерките кои турските власти ги презедоа против илегалниот транпорт на имигранти. 

Повеќе од 880.000 имигранти оваа година пристигнале до европските брегови, што е за околу четири пати повеќе во споредба со 2014 година, додаде претставникот на агенцијата на ОН за бегалци.