Сана Марин, нов премиер на Финска

Социјалдемократската партија, што предводи коалициска влада од пет партии, ја избра министерката за транспорт Сана Марин за нов премиер на Финска и таа ќе стане најмладиот премиер на земјата.

Марин (34) ќе ја преземе функцијата во следната недела по оставката на Анти Рине. Таа ќе биде третата жена што ќе ја води финската влада.

Рине поднесе оставка откако коалициската Централна партија објави дека ја изгубила довербата во него, поради серија штрајкови.

– Многу работи чекаат да ја обновиме довербата. Имаме заедничка програма за владата која ја одржува заедно коалицијата, изиајви Марин пред новинарите по гласањето од страна на партиското раководство.

Друг кандидат за премиер беше Анти Линтман, шеф на парламентарната група на Социјалдемократската партија.