Џонсон: Најдобро е Трамп да не се вклучи во британските избори

Британскиот премиер Борис Џонсон изјави дека најдобро ќе биде доколку американскиот претседател Доналд Трамп не се вклучи во претстојните избори во Велика Британија.

Трамп следната недела ќе допатува во Лондон на самитот на НАТО.

– Тоа што традиционално не го правиме како сојузници и пријатели е да се вклучуваме во предизборните кампањи едни на други, рече Џонсон, чија Конзервативна партија води во анкетите во пресрет на изборите закажани за 12 декември.

Трамп, на извесен начин, веќе се вклучи во изборите, кога во октомври кажа дека опозицискиот лидер на Лабуристичката партија, Џереми Корбин, ќе биде „лош“ за Велика Британија и дека Џонсон треба да склучи пакт со лидерот на партијата Брегзит, Најџел Фараж.

Оваа пофалба за Џонсон, лидерот на лабуристите ја искористи како една од своите главни пораки во нападот врз конзервативците, изјавувајќи дека тие по Брегзит, секако, доколку победат, деловите од државната здравствена служба ќе им ги продадат на фирмите.