Реал на крилата на Модриќ го совлада Сосиедад

Екипата на Реал Мадрид славеше триумф со пресврт во последниот денешен меч од 14. коло против екипата на Реал Сосиедад со 3-1.

 

Мнуго рано, уште во втората минута капитенот на Кралевите, Серхио Рамос направи голема грешка, па наместо да ја врати топката до својот голман, таа заврши во нозете на противничкиот напаѓач, Вилијан Хозе, кој го искористи подарокот за водство на својата екипа од 1-0.

 

Сепак, се чини дека таа грешка влијаеше стимулативно на играчите на Реал, па тие заиграа ангажирано уште од 2 минута.

 

До полувремето иницијативата ја преточија во реми, погоди Бензема за 1-1.

 

Пресвртот за победа и 3 важни бода се случи во второто полувреме.

 

Најпрво Валверде во 47 минута погоди за 2-1, а конечниот резутат го постави хрватскиот ас Лука Модриќ во 74 минута.