Нотен запис на Моцарт продаден за 372.500 евра
Оригинална партитура за менуети којaшто Волфганг Амадеус Моцарт ја напишал кога имал 16 години, и која била дел од колекцијата ракописи на австрискиот писател Штефан Цвајг, е продадена денеска во Париз за 372.500 евра, скоро двојно повеќе од почетната цена.
Композицијата со два завршени менуета за оркестар, првично била проценета меѓу 150.000 и 200.000 евра. Компонирана е 1772 година во Салцбург.
– Цвајг бил голем колекционер на нотни записи, меѓу нив можеби најзначајни се Моцартовите… Ова е единствениот примерок од партитурата. Моцарт секогаш застанувал кај првата верзија, за разлика од Бетовен, кој постојано би му се враќал на својот труд, рече Сајмон Мегвајер, стручњак за музички ракописи во аукциската куќа „Сотби“.
На нотниот запис, со ракописот на Моцарт е напишано и „готово”. Тој никогаш никаде не е објавен, има неколку исправки и мали измени, од кои една или две се од таткото на Моцарт – Леополд. Композицијата ја зачувала сестрата на славниот музичар – Марија Ана, а на крај делото завршило во обемната колекција на Штефан Цвајг.
Записот е единствен од „Шест менуети К.164“ којшто сè уште е во приватна сопственост. Наддавањето е во рамки на продажбата на дела од библиотеката на познатиот швајцарски библиофил Жан-Франсоа Шапоние.
Моцарт своите први музички дела ги компонирал како дете со помош на татко си.
Ново на Сител
-
ЕУ ќе стационира пожарникари од 12 земји на жариштата на шумските пожари
-
Очевидци: Израелските трупи навлегле подлабоко во Рафа
-
Париз очекува да заработи над 11 милијарди евра од ОИ
-
Истражување: Половина од раселените Украинци изразиле подготвеност да се вратат во земјата
-
ЈОРСМ: Извршен увид и обезбедени траги за вештачење од местото на убиството во Стајковци
-
НАТО функционер за АНА-МПА: Северна Македонија под уставното име влезе во Алијансата
-
17-годишно момче исчезна од установа за згрижување деца во Карпош
-
OpenAI ja претстави најновата верзија на својот чатбот – ChatGPT-4o