Во Прилеп изложба со дела на Александар Јанкулоски - Цане

Во Центарот за култура „Марко Цепенков“ во Прилеп вечер во 19:30 часот ќе биде отворена изложба на слики од уметникот Александар Јанкулоски - Цане. На изложбата ќе бидат изложени 26 дела.

Александар Јанкулоски-Цане е роден во Прилеп 1936 година. Диоломирал на ФЛУ во Скопје. Член е на ДЛУМ.

Во 1961 година Јанкулоски ја имал првата самостојна изложба во Скопје. Се издвојува по тоа што изработува слики со несликарски материјали - пепел, песок, струготини, горени дрва, бронза.

Имал повеќе самостојни изложби во земјата и во странство – Романија, Бугарија, Хрватска, Словенија, Србија, Белгија, Франција, Италија,Турција... Учесник е и основоположник на неколку колонии и нивни уметнички раководител, како во земјата така и во странство.

Александар Јанкулоски Цане за своето творештво е добитник на бројни награди и признанија, меѓу кои Нерешки мајстори, Лазар Личеновски, на Светско биенале на цртежи.