Мото ГП: Пад на Вињалес за победа на Маркез
Новокрунисаниот светски шампион Марк Маркез триумфираше на Австралиското ГП на Фили Ајленд, откако неговиот ривал од Јамаха, Маверик Вињалес падна во последниот круг борејќи се за победа со Шпанецот.
Откако дојде во водство во 10-тиот круг, освојувачот на пол-позицијата Вињалес беше следен од Маркез до последниот круг, кога возачот на Респол Хонда се обиде да го помиен на почетокот на кругот. Откако ова му успеа во првата кривина, Вињалес двапати се обиде да се врати на првата позиција, пред на 10-тата кривина да излета и да му го препушти второто место на Кал Крачлоу во ЛЦР Хонда, додека Австралиецот Џек Милер го освои последното место на подиумот за Прамак Дукати.
Со победата, Маркез ја продолжи апсолутната доминација во Мото ГП шампионатот оваа сезона – ова е негова петта победа едноподруго и вкупно 55. во елитната мотоциклистичка класа со што го помина легендарниот Австралиец Мик Дуан на третото место на вечната листa.
Ново на Сител
-
Зеленски: На Украина и се потребни системи „Патриот“ за заштитата на Харков
-
Коалицијата „Европски фронт“ поднесе седум тужби против решенија на ДИК на Парламентарните избори 2024
-
Град Скопје: Дезинсекцијата во Скопје се реализира согласно можноста и временските услови
-
Коалицијата „Вреди“ ја повлече тужбата по одлуката на ДИК за ИМ 0511
-
Две лица тешко ранети, а уште четири полесно во напад со нож во Швајцарија
-
Словачка не воведува вонредна состојба поради атентатот врз премиерот
-
Малолетник претепан од три лица во Гази Баба
-
Малолетници фрлиле во височина соученик во тетовско училиште