Лондон побара одложување на рокот за Брегзит до 31 јануари 2020 година
Британскиот премиер Борис Џонсон вечерва изјави дека одлучил да го прекине разгледувањето на договорот за Брегзит во британскиот парламент.
Тој ова го одлучи откако парламентот го отфрли предлогот на Владата дебатата да заврши за три дена и додаде дека се очекува одлука на ЕУ за евентуално ново одложување на Брегзит.
Претседателот на Европскиот совет Доналд Туск, вечерва се консултира со лидерите на 27-те земји-членки на ЕУ за барањето за одложување на излегувањето на Велика Британија од ЕУ, соопшти неговата портпаролка.
Британските законодавци претходно го одобрија предлог-законот на премиерот Борис Џонсон за Брегзит, но одбија да биде усвоен во рок од три дена во Долниот дом на Парламентот.
Прво 329 пратеници гласаа „за“ предлог-законот за излез на Велика Британија од ЕУ да се испрати на понатамошно разгледување и за евентуални амандмани, а 299 беа „против“.
Пратениците потоа со големо мнозинство го отфрлија обидот на Владата законот да се усвои по брза постапка во рок од три дена.
Владата побара Долниот дом на Парламентот да го одобри нацрт-законот до четврток, 24 октомври, а потоа да го испрати до Горниот дом на Парламентот за да стане закон пред 31 октомври.
На тој начин, Велика Британија ќе можеше да ја напушти ЕУ во закажаниот рок на 31 октомври.
Сепак, 322 пратеници гласаа против краткиот рок, кој на Долниот дом на Парламентот му даваше само три дена да расправа за нацрт-законот, додека 308 беа „за“.
Ново на Сител
-
ЦУК: Нема активни пожари на отворен простор, изгаснати 11
-
Израелски медиуми: Нетанјаху планира целосна окупација на Газа
-
Медведев предупредува на понатамошни чекори откако Москва се откажа од мораториумот за ракети со краток и среден дострел
-
Американската администрација обвинета за криење штрајк со глад во затвор за мигранти
-
Нестабилно со локален пороен дожд и грмежи
-
Зголемена фреквенција на возила по патиштата, на граничните премини нема подолги задржувања
-
Синоќа избувна голем пожар во фабрика во Велес - се уште има слаби чадења
-
ОАЕ се соочуваат со нагло зголемување на температурите ова лето, температурите достигнуваат 51,8 степени