Петиција со барање на Петер Хандке да му се одземе Нобеловата награда за литература
Поради радикалните идеолошки погледи и десничарската ангажираност на австрискиот писател Питер Хандке, покрената е петиција за повлекување на одлуката нему да му се додели Нобеловата награда за литература за 2019 година.
„Во момент на пораст на национализмот, автократското лидерство и раширените дезинформации во светот, книжевната заедница заслужува подобро од ова. Длабоко жалиме поради изборот на Нобеловата комисија за литература“, се вели во соопштението на американскиот ПЕН.
Според образложението на Академијата, Хандке ја добил наградата за „влијателно дело кое со јазична инвентивност ја истражи периферијата и специфичноста на човековото искуство“.
– Изненадени сме од изборот на пистаел кој со својот јавен глас ја поткопуваше историската вистина и понуди јавна сервилност на извршителите на геноцид, како што е поранешниот српски претседател Слободан Милошевиќ и лидерот на босанските Срби Радован Караџиќ, оцени претседателката на американскиот ПЕН Џенифер Иган.
Хандке во 2015 година ја доби награда Почесен граѓанин на Белград, а во 2012 година стана странски член на Српската академија на науки и уметност.
Иако на социјалните медиуми се упатени голем број честитки за наградата, сепак не се малку и оние кои потсетуваат на неговите минати дела, како што е тоа дека тој зборувал пред приврзаници на Милошевиќ на погребот во Пожаревац.
Амбасадорката на Косово во ОН потсети на еден од цитатите на Хандке: Понекогаш би сакал да сум српски православен свештеник кој се бори за Косово. Таа истакна дека во свет полн со брилијантни писатели, Нобеловиот комитет одлучи да награди пропагандист на етничка омраза и насилство.
Ново на Сител
-
На ГП Табановце за влез и излез од државата се чека по околу половина час
-
Зеќирија Ибрахими е нов претседател на Алтернатива избран на вонредниот конгрес во Куманово
-
Кратово блесна во полн сјај на првата фестивалска вечер од ЗЛАТНИ ДЕНОВИ КРАТОВО 2024 | ФОТО
-
МВР го барала да го уапси, а тој пробал да лета преку аеродромот во Скопје
-
Повреден германски параглајдерист - Летал над Крушево
-
ДКСК: Го следиме именувањето на в.д. директори во државните институции, ќе реагираме ако има неправилности
-
Даути избрана за генерален, а Јајага за организациски секретар на АА
-
Следува период на многу топло време со температури до 40 степени