Ќе се реконструираат пет улици во село Селемли во Богданци

Општина Богданци го склучи договорот за реконструкција и асфалтирање на пет улици во пограничното село Селемли според кој ќе се инвестираат околу 12 милиони денари.

-Со зафатот ќе бидат уредени и асфалтирани околу 1.000 метри од селските улици од централниот дел и периферијата на населеното место кои навистина беа во исклучително лоша состојба и го отежнуваа сообраќајот и движењето на жителите, велат од општина Богданци.

Поголемиот дел од финансиските средства кои ќе бидат потрошени за оваа намена,или 8,5 милиони денари се обезбедени преку Агенцијата за финансиска подршка во земјоделството и руралниот развој,а остатотокот од средствата во износ од 3,5 милиони денари се обезбедени од буџетот на Општина Богданци.