Михајловиќ ја напушта Болоња поради болест

Српскиот тренер на Болоња, Синиша Михајловиќ ќе ја напушти функцијата, а причината е болест, вели „Кориере Дело Спорт“ денес.

Легендарниот фудбалер ќе започне со третман како резултат на болест која е откриена по медицинскиот преглед.

Очекувањата се дека подоцна денеска 50-годишниот поранешен репрезентативец на Србија ќе свика прес-конференција на која ќе зборува по темата.

Синиша ја предводеше Болоња претходно оваа година и успеа да го спаси „црвено-сините“ од испаѓање, а на крајот ги рангираше десети во Серија „А“.

Неодамна го продолжи договорот со клубот до 2022 година.