Апелација ја укина времената забрана за продажба на книгата на Андов

Апелациониот суд Скопје ја укина времената мерка со која се забранува продажба на книгата „До атентатот и по него“ на поранешниот претседател на Собранието Стојан Андов.

Апелациониот суд ја прифатил жалбата на адвокатот на Андов, Звонко Давидовиќ, според кого решението на првостепениот суд да ја забрани книгата претставува прејудицирање на пресудата.

Основниот суд Скопје-2 на 21 март годинава донесе одлука за времена забрана за продажба на книгата на Стојан Андов „До атентатот и по него“, по тужбата на Љубомир Фрчкоски за повреда на неговите лични права, односно за клевета во врска со атентатот на поранешниот претседател Киро Глигоров.