Неготинец приведен за убиството во Селиште: Со ловна пушка несакајќи пукал кон жртвата
Полициската станица Неготино во содејство со Секторот за општ и насилен криминал на Одделот за крим полиција при БЈБ на МВР вчера до надлежното ОЈО Кавадарци поднесе кривична пријава против Д.К. (44) од Неготино поради постење основи на сомнение дека сторил кривично дело “убиство од небрежност“ и на 20. овој месец го убил Ј.Д. (50) од село Тимјаник, неготинско.
Изминатава сабота околу 18,30 во месноста викана „Селиште“ – Копришница, атар на општина-Демир Капија, бил пронајден починат Ј.Д. од с. Тимјаник, неготинско. Потоа полициски службеници од ПС ОН Неготино во координација со ОЈО Велес извршија увид на местото на настанот и по насока на ЈО телото на починатото лице е предадено на обдукција и се преземени мерки за расчистување на случајот.
Според документираните сознанија од истрагата на 19.04. околу 17 часот во посочената месност, Д.К. од небрежност со ловна пушка “ТОЗ 63“ истрелал во правец кон Ј.Д. нанесувајќи му устрелна рана во пределот на горниот дел од телото.
Д.К. заедно со кривичната пријава и доказниот материјал денеска е предаден на ЈО од ОЈО Кавадарци за понатамошна постапка.
Ново на Сител
-
Маж и жена од Македонија се заглавиле во заливот Филикури, ги спасиле полицајци
-
Дубровник под вода по силното невреме | ВИДЕО
-
Дошла кај него за да му раскине, а тој ја нападнал и се обидел да ја силува
-
Маж со пушка си го бранел насадот со пченка од диви свињи
-
Кумановка нападната од синот
-
Кривична пријава за девет лица затекнати во незаконска сеча на дрва
-
Невремето „Атена“ ќе ја зафати Грција – предупредување за опасни временски појави
-
ЦУК: Под контрола пожарот во Мариово, активни вкупно пет пожари