Заврши гласањето на болните и немоќни во Штип, Карбинци и Пробиштип
Во Општина Штип денеска заврши гласањето на 60 болни и немоќни лица, кои своето право на глас го искористија во своите домови. Претседателката на Општинската изборна комисија (ОИК), Сенка Андреева вели дека гласањето помина без проблеми, а членовите на избирачките одбори денеска го подигаат и избирачкиот материјал за да ги подготват 77 избирачки места за утрешно гласање.
Во 11 општини во брегалничкиот регион денеска гласаа вкупно 650 болни и немоќни лица, од кои најмалку или само пет има пријавени во Општина Карбинци. Претседателката на ОИК-Карбинци, Адриана Велинова информира дека гласањето е завршено. Денеска гласаа и тројца избирачи во селото Таринци, како и две лица во селото Радање.
-Општинската изборна комисија во Карбинци е подготвена за утрешното гласање, на избирачките места право на глас имаат вкупно 3.161 избирач. Гласачките места ќе бидат отворени во 7, а затворени во 19 часот, рече Велинова.
Во Општина Пробиштип денеска гласаа вкупно 110 болни и изнемоштени лица, а гласањето помина мирно и без проблеми.
Во Затвор-Штип за гласање се пријавиле 198 лица, но досега гласале 108 или околу 51 отсто.
Ново на Сител
-
Брнабиќ: Во следните 48 часа ќе има седница на која Вучевиќ ќе предложи министри за новата влада
-
Две лица се повредени во пожар во фабрика за ракетни погонски системи во близина на Белград
-
Кина испрати воени авиони кон Тајван откако американскиот државен секретар го напушти Пекинг
-
Мотоциклист излетал од патот и удрил во паркирано возило
-
Милановиќ: Хрватска е дното на ЕУ, Бугарија е единствено полоша
-
Судење на Трамп: Издавач на таблоид призна дека ја „закопал“ приказната за аферата со моделот на Плејбој
-
Гир: Првиот круг од изборите мина генерално мирно и демократски
-
Пронајдено е 76-годишното лице во кавадаречко по кое се трагаше од вчера